तरुण शेतक-याची शेतात गळफास घेऊन आत्महत्या

बहुगुणी डेस्क, वणी: झरी तालुक्यातील झमकोला येथील एका तरुण शेतक-याने शेतात गळफास घेऊन आत्महत्या केली. बुधवारी दिनांक 21 मे रोजी दुपारच्या सुमारास ही घटना उघडकीस आली. सूरज विनायक मेश्राम (24) असे आत्महत्या करणा-या शेतक-याचे नाव आहे. सूरज हा अल्पभूधारकर शेतकरी होता. तो शेती व मजुरी करून आपल्या कुटुंबाचा उदरनिर्वाह करायचा. बुधवारी नेहमीप्रमाणे सूरज शेतात गेला. मात्र त्याने शेतातील एका झाडाला गळफास घेऊन  त्याने आपली जीवनयात्रा संपवली. दरम्यान त्याने गळफास घेतल्याचे काही लोकांच्या लक्षात आले. त्यांनी झाडाकडे धाव घेतली. पोलिसांना याची माहिती देण्यात आली. पोलिसांनी घटनेचा पंचनामा केला व मृतदेह उत्तरिय तपासणीसाठी पाठवला. आत्महत्येचे कारण अद्याप कळू शकले नसले तरी सततच्या नापिकीमुळे आलेल्या आर्थिक अडचणीतून सूरजने आत्महत्या केल्याची परिसरात चर्चा आहे. प्रकरणाचा तपास पोलीस करीत आहे.

बुकिंगसाठी बॅनरवर क्लिक करा...