झेडपीची तयारी सुरु… वागदरा येथे मनसेची मुसंडी

बहुगुणी डेस्क, वणी:  महाराष्ट्र नवनिर्माण सेनेचे (मनसे) अध्यक्ष राज ठाकरे यांच्या नेतृत्वावर विश्वास ठेवून वणी विधानसभा मतदारसंघातील वागदरा (जुना) गावातील अनेक महिला, पुरुष आणि युवा कार्यकर्त्यांनी नुकताच पक्षात प्रवेश केला. मनसे नेते राजू उंबरकर यांच्या उपस्थितीत हा पक्ष प्रवेश सोहळा उत्साहात पार पडला. या प्रवेशामुळे आगामी जिल्हा परिषद आणि पंचायत समिती निवडणुकांसाठी मनसेची तयारी अधिक बळकट झाली आहे.

वागदरा येथे झालेल्या या सोहळ्यात राजू उंबरकर यांनी नवीन कार्यकर्त्यांचे मनसेचा गमछा घालून स्वागत केले. त्यांनी ग्रामीण भागातील नागरिकांच्या समस्या समजून घेण्यासाठी उपस्थितांशी संवाद साधला. यावेळी बोलताना उंबरकर म्हणाले, “नवीन सहकाऱ्यांचा पक्षाला मिळालेला पाठिंबा आगामी निवडणुकांमध्ये विजय मिळवण्यासाठी महत्त्वाचा ठरेल. मनसे पूर्ण ताकदीने लढेल आणि ग्रामीण विकासाच्या मुद्द्यांवर लक्ष केंद्रित करेल.”

या पक्ष प्रवेश सोहळ्याला प्रा. राम ठमके, रामदास निखाडे, शाखा अध्यक्ष शुभम हुलके, उपाध्यक्ष आकाश राजुरकर, सूरज पाचभाई, गौरव बरडे, धनंजय खनगण, प्रकाश वैद्य, आलोक खनगण, प्रफुल उपाध्ये, आशिष वाभिटकर, निलेश जाधव यांच्यासह गावातील इतर प्रतिष्ठित नागरिक उपस्थित होते. तसेच तालुकाध्यक्ष फाल्गुन गोहोकार, शहर अध्यक्ष अंकुश बोढे, व्यापारी सेना शहराध्यक्ष राकेश वैद्य, शंकर पिंपळकर, मयूर घाटोळे, लक्की सोमकुंवर, अमर पाचभाई, भोला चिकनकर, हिरा गोहोकार आणि अक्षय बोबडे यांनीही हजेरी लावली. कार्यक्रमाची प्रस्तावना फाल्गुन गोहोकार यांनी केली, तर सूत्रसंचालन प्रा. राम ठमके यांनी केले.

बुकिंगसाठी बॅनरवर क्लिक करा...

वागदरा येथील ग्रामस्थांच्या या पक्ष प्रवेशाने मनसेने वणी तालुक्यातील आपली पकड मजबूत केली आहे. पक्ष आता जिल्हा परिषद आणि पंचायत समिती निवडणुकांसाठी जोमाने तयारी करत आहे. ग्रामीण भागातील प्रश्न सोडवण्यासाठी आणि स्थानिक विकासाला चालना देण्यासाठी मनसेने ठोस रणनीती आखली आहे. वागदरा येथील या पक्ष प्रवेशाने मनसेच्या ग्रामीण भागातील प्रभावात वाढ झाली आहे. नवीन कार्यकर्त्यांचा उत्साह आणि स्थानिक पाठिंबा यामुळे पक्षाला निवडणुकीत यश मिळण्याची आशा आहे. यामुळे स्थानिक राजकारणातही नवीन चैतन्य निर्माण झाले आहे.