बहुगुणी डेस्क, वणी: तालुक्यातील इजासन (गाडेगाव) येथे एका महिलेने विषारी द्रव्य प्राषन करून आत्महत्या केली. 17 नोव्हेंबर रोजी रात्री 10 वाजताच्या सुमारास ही घटना उघडकीस आली. संगिता विठ्ठल निळे (वय 55) असे मृत महिलेचे नाव आहे. संगिता या कुटुंबासह इजासन येथे राहत होत्या. घरी कुणी नसताना राहत्या घरी त्यांनी विषारी द्रव्य प्राशन केले. ही बाब लक्षात येताच कुटुंबीयांनी तिला तातडीने ग्रामीण रुग्णालयात हलविले. मात्र डॉक्टरांनी तिला मृत घोषित केले. या घटनेमुळे परिसरात हळहळ व्यक्त होत असून आत्महत्येचे नेमके कारण अद्याप स्पष्ट झालेले नाही. मृतदेहाचे शवविच्छेदन करून अंतिम संस्कारासाठी कुटुंबीयांच्या स्वाधीन करण्यात आला. प्रकरणाचा तपास पोलीस करीत आहे. आधी मारेगाव तालुक्यात सातत्याने आत्महत्या सुरु होत्या. आता वणी तालुक्यात देखील सततच्या आत्महत्येच्या घटना समोर येत आहे. त्यामुळे चिंता व्यक्त केली जात आहे. (इमेज एआय जनरेटेड)
Comments are closed.