बहुगुणी डेस्क, वणी: पूनर्वसनाबाबत विचारणा केली म्हणून एकाला काठीने मारहाण करण्यात आली. तालुक्यातील पिंपरी (कोलेरा) येथे ही घटना घडली. या प्रकरणी आरोपीविरोधात वणी पोलीस ठाण्यात गुन्हा दाखल करण्यात आला आहे. फिर्यादी दिलीप नानाजी लोडे (55) हे पिंपरी (कोलेरा) येथील रहिवासी आहे. शुक्रवारी दिनांक 25 एप्रिल रोजी स. 11.30 वाजताच्या सुमारास ते घरासमोर उभे होते. दरम्यान त्यांच्या घरासमोर आरोपी अतुल नानाजी बोंडे (47) रा. वणी हा उभा दिसला. दिलीप यांनी अतुलला जागेच्या पुनर्वसनाबाबत विचारणा केली. मात्र त्यावर अतुल भडकला. अतुलने दिलीप यांना शिविगाळ करीत बाजूला असलेल्या एकाच्या हातात असलेली काठी हिसकावली. त्यानंतर त्याने दिलीप यांच्यावर काठीने प्रहार केला. या मारहाणीत दिलीप यांच्या डोक्यावर मार लागला. घटनेनंतर दिलीप यांनी वणी पोलीस स्टेशन गाठते. त्यांनी अतुलविरोधात तक्रार दिली. मेडिकल तपासणीनंतर अतुल नानाजी बोंडे विरोधात बीएनएसच्या कलम 118 (1), 352, 351(2)(3) नुसार गुन्हा दाखल करण्यात आला आहे.
बुकिंगसाठी बॅनरवर क्लिक करा...
Comments are closed.