लायन्स महाविद्यालयात शिक्षक दिन उत्साहात साजरा

पुरुषोत्तम नवघरे, वणी: लायन्स इंग्लीश मिडीयम हायस्कूल, लायन्स कनिष्ठ महाविद्यालय व वरिष्ठ महाविद्यालय वणी यांच्या संयुक्त विद्यमाने मंगळवार 5 सप्टेंबर रोजी शिक्षक दिन उत्साहात साजरा करण्यात आला. भारताचे दुसरे राष्ट्रपती डॉ. सर्वपल्ली राधाकृष्णन यांच्या जन्म दिनाचे औचित्य साधून शिक्षक दिवस हा दरवर्षी 5 सप्टेंबर रोजी साजरा केला जातो. शिक्षक दिवस प्रसंगी व्यासपीठावर प्राचार्य प्रशांत गोडे व प्राचार्या दिपासिंग परिहार उपस्थित होत्या. वर्ग सहा ते बि.एस.सी भाग 2 च्या विद्यार्थ्यांनी शिक्षकांप्रती आदर व सन्मान व्यक्त करीत विवीध नृत्य व संदेशपूर्ण नाटक सादर केले. प्राचार्य प्रशांत गोडे यांनी शिक्षकांचे कर्तव्य तसेच शिक्षकांपूढे नवीन पिढीतील सुजान नागरीक घडविण्याकरीता असलेले आव्हान त्यांच्या प्रास्ताविक भाषणातून व्यक्त केले. कार्यक्रमाचे संचालन कु. सुमय्या सैय्यद व कु. सामीया पटेल यांनी केले. उपस्थितांचे आभार कु. स्नेहल परबत हीने मानले. याप्रसंगी सर्व शिक्षकवृंद व शिक्षकेत्तर कर्मचारी उपस्थित होते.

बुकिंगसाठी बॅनरवर क्लिक करा...