बहुगुणी डेस्क, वणी: येथील सदाशिवनगर मध्ये एका मोकाट कुत्र्याने बालकावर हल्ला केला. त्यात तो जखमी झाला. परिसरातील नागरिक धावून आल्याने मोठी दुर्घटना टळली. ही घटना अनिल उत्तरवार यांच्या सीसीटीव्हीत कैद झाली. याचा थरारक व्हिडिओ व्हायरल रात्रीपासून व्हायरल होत आहे. यामुळे एकच खळबळ उडाली असून वणीकरांमध्ये संताप व्यक्त होत आहे.
व्हिडीओ मध्ये जिसत आहे की एक बालक सोसायटीच्या मोकळ्या जागेत सायकल चालवत होता. त्या परिसरातील नागरिकही ये-जा करीत होते. हा कुत्रा तिथेच होता. बालक थोडा समोर गेला. त्याने आपली सायकल वळवली. तोच त्या कुत्र्याने सायकल चालवणा-या बालकावर हल्ला केला.
बुकिंगसाठी बॅनरवर क्लिक करा...
त्यांच्या आवाजावरून काहीतरी चुकीचं घडत आहे, हे नागरिकांच्या लक्ष्यात आलं. त्यांनी आरडाओरड करीत त्या कुत्र्याला पळवून लावण्याचा प्रयत्न केला तसेच बालकाने पण कुत्र्याच्या तावडीतून सुटण्याचा पुरेपुर प्रयत्न केला. त्यामुळे सुदैवाने बालकाचा जीव वाचला. त्या कुत्र्याची आक्रमकता बघता, मोठी दुर्घटना होण्याचे टळले, असे बोलले जात आहे. सदर घटना ही बुधवारी दिनांक 11 मार्च रोजी संध्याकाळी पावने सात वाजण्याच्या सुमारास असल्याची माहिती आहे.
या घटनेमुळे शहरातील भटक्या व मोकाट कुत्र्यांच्या मुद्दा ऐरणीवर आला आहे. नागरिकांनी उघड्यावर खाद्यपदार्थ टाकू नये. त्यावर ही भटकी कुत्री जगतात. तसेच, भटक्या कुत्र्यांची संख्या दिवसेंदिवस वाढत आहे.
अशा घटना सर्वत्र नियमित घडत आहेत. त्यामुळे नागरिक संताप व्यक्त करीत आहेत. हल्याचा हा व्हीडीओ सोशल मीडियावर व्हायरल होत आहे. यावर वणी नगर परिषद काय भूमिका घेईल याकडे सर्वांचे लक्ष लागले आहे. पाहा हा थरारक व्हिडीओ
Comments are closed.