बहुगुणी डेस्क, वणी: तालुक्यातील लाठी (बेसा) येथील रहिवासी कवडू पांडुरंग खोके (वय 40) यांनी आपल्या शेतात झाडाला गळफास घेऊन आत्महत्या केल्याची धक्कादायक घटना बुधवारी (दि. 15 एप्रिल) पहाटे उघडकीस आली. मिळालेल्या माहितीनुसार, पहाटे सुमारे 4 ते 5 वाजताच्या दरम्यान ही घटना घडली. काही वेळानंतर ही बाब घरच्यांच्या निदर्शनास येताच त्यांनी तात्काळ शिरपूर पोलीस स्टेशनला माहिती दिली. घटनेची माहिती मिळताच पोलिसांनी त्वरित घटनास्थळी धाव घेत पंचनामा केला. त्यानंतर मृतदेह पुढील तपासासाठी वणी येथील ग्रामीण रुग्णालयात उत्तरीय तपासणीसाठी पाठविण्यात आला. दरम्यान, कवडू खोके यांनी आत्महत्या का केली याचे कारण अद्याप स्पष्ट झालेले नाही. त्यांच्या अचानक जाण्याने परिसरात हळहळ व्यक्त केली जात असून या प्रकरणाचा पुढील तपास शिरपूर पोलीस करीत आहेत.
बुकिंगसाठी बॅनरवर क्लिक करा...
Comments are closed.