बौद्ध धर्मप्रसारक बापूरावजी लोहकरे यांचे निधन

बुकिंगसाठी बॅनरवर क्लिक करा...

बहुगुणी डेस्क, वणी: धम्म प्रसारक व भारतीय बौद्ध महासभेचे बौद्धाचार्य बापूरावजी लोहकरे यांचे दीर्घ आजाराने वयाच्या 81व्या वर्षी निधन झाले. गेल्या दोन दिवसांपासून ते नागपूर येथे उपचार घेत होते. रविवारी सायंकाळी सुमारे पाच वाजता त्यांनी अखेरचा श्वास घेतला. बौद्ध धर्मप्रसार, सामाजिक प्रबोधन व संघटन कार्यात त्यांनी आयुष्यभर मोलाचे योगदान दिले. त्यांच्या निधनामुळे बौद्ध समाजासह सामाजिक क्षेत्रात हळहळ व्यक्त होत आहे. त्यांच्या पार्थिवावर सोमवार, दिनांक 9 फेब्रुवारी 2026 रोजी दुपारी 12 वाजता अंत्यसंस्कार करण्यात येणार आहेत. त्यांच्या पश्चात चार मुली, एक मुलगा, नातवंडे असा मोठा आप्तपरिवार आहे. त्यांच्या पत्नीचे निधन सुमारे 10 वर्षांपूर्वी झाले होते. बापूरावजी लोहकरे यांच्या निधनाने समाज एक मार्गदर्शक व्यक्तिमत्त्व गमावले असून विविध स्तरांतून त्यांना श्रद्धांजली अर्पण करण्यात येत आहे.