लिंगारेड्डी लेआऊटमधील अतिक्रमण उठवण्याचा मार्ग मोकळा

पाहणी दरम्यान अतिक्रमण केल्याचे निदर्शनास आले. त्याबाबतचा अहवाल वरिष्ठांना पाठविण्यात येणार आहे. तर ग्रामपंचायतीच्या मुख्य मार्गावर अतिक्रमण करून बांधलेले शौचालयाबाबत जागेची मोजणी करून अतिक्रमण असलेला भाग पाडला जाणार असल्याची माहिती त्यांनी दिली. यासाठी आणखी आठ ते दहा दिवस लागणार आहे. 

शासनाच्या ज्या नियमाने लेआऊट मंजूर करून प्लॉट पाडण्यात आले त्या नियमांचे पालन करून इतर संपूर्ण अतिक्रमण काढून दोन्ही साईडला नाली बांधकाम करावी. वॉर्ड क्र ५ मध्ये येणाऱ्या याच लेआउटच्या मुख्य मार्गावर नवीन शौचालय बांधून अतिक्रमण करण्यात आले आहे. प्लॉटधारकांना येण्या जाण्याकरिता एकमेव रस्ता आहे. या शौचालयामुळे तेथील जनतेला येण्या-जाण्याकरिता मोठा त्रास सहन करावा लागत आहे.

सदर अतिक्रमण करणाऱ्याने ग्रामपंचायतीच्या नालीच्यावर शौचालय बांधकाम केले आहे. याबाबत वॉर्डातील जनतेने ग्रामपंचायतीला तक्रारसुद्धा केली होती. परंतु ग्रामपंचायतने अतिक्रमण करून बांधलेले शौचालय पाडले नाही. वॉर्डातील जनतेला याच मार्गाने मोटर सायकलने व पायी जाणे येणे करावे लागते. वाहन शौचालयाला धडक लागून पडले किंवा अपघात होऊन कुणी जखमी झाल्यास याला जवाबदार कोण? असाही प्रश्न तक्रारीतून उपस्थित करण्यात आला होता.

(वणी, मारेगाव व झरी तालुक्यातील बातम्या आणि घडामोडीसाठी वणी बहुगुणीचे फेसबुक पेज लाईक करा…)