विवेक तोटेवार, वणी: वणीतील तैली फैल परिसरात शुक्रवार 29 नोव्हेंबर रोजी सकाळी 10 वाजताच्या सुमारास घराच्या खोलीत एका अनोळखी इसमाचा मृतदेह आढळून आला. मृतकाचे वय अंदाजे 60 वर्ष आहे. तेली फैल येथे वैभव यशवंत निमकर यांचे घर आहे. त्यांच्या घरी विजय रायमल्लु गुर्जला राहतो. विजयच्या घरी तीन ते चार दिवसांआधी मृत अनोळखी इसम राहण्यासाठी आला होता. तो विजयला घरगुती कामासाठी मदत करीत होता. शुक्रवार 29 नोव्हेंबर रोजी सकाळी 10 वाजता विजय हा हालचाल करीत नसल्याचे विजयला आढळून आले. विजयेन याची माहिती घरमालक वैभव याला दिली. वैभवने याची माहिती पोलिसांना माहिती दिली. पोलीस घटनास्थळी पोहोचले. त्यांनी सदर इसमाला वणीच्या ग्रामीण रुग्णालयात दाखल केले. परंतु डॉक्टरांनी त्याला मृत घोषित केले. पोलिसांनी या प्रकरणी अकस्मात मृत्यूची नोंद केली आहे.
Comments are closed.