विवेक तोटेवार, वणी: शहरातील सम्राट अशोक नगर येथे राहणाऱ्या एका इसमाने गळफास घेऊन आत्महत्या केली. शुक्रवारी दिनांक 20 सप्टेंबर रोजी सकाळी 10 वाजताच्या सुमारास ही घटना उघडकीस आली. दीपक महादेव कांबळे (60) असे आत्महत्या करणा-या इसमाचे नाव आहे. दीपक हे पत्नी व मुले सोबत नसल्याने एकटेच सम्राट अशोक नगर येथे राहत होते. जवळपास 3 वर्षांपासून त्यांच्या पायाला जखम झाली होती. ती जखम ठिक होत नसल्याने ते नेहमीच आजारी राहत होते. शुक्रवारी सकाळी त्यांनी गळफास घेतल्याचे शेजा-यांच्या निदर्शनास आले. शेजा-यांनी त्यांच्या मुलाला सांगितली. त्यांनी आजारपणामुळे आत्महत्या केल्याचा अंदाज बांधला जात आहे. त्यांच्या मुलाच्या तक्रारीवरून वणी पोलीस ठाण्यात मृत्यूची नोंद करण्यात आली आहे.
Comments are closed.