चंद्रपूर जिल्हा दारूबंदी झाली अन बहुतांश युवक वर्ग अवैध दारू तस्करीच्या व्यवसायात ओढला गेला. दररोज पोलिसांची चुकामुक करून भरमसाठ प्रमाणात वणीतून चंद्रपूर जिल्ह्यात दारू वाहून नेल्या जात आहे.
असाच प्रकार गुरुवारला घडला. वणी पोलीस स्टेशनचे ठाणेदार मुकुंद कुळकर्णी हे पोलीस कर्मचाऱ्या समवेत सकाळी साडेसहा वाजता चे सुमारास गस्तावर असतांना ठाणेदारांना वणीतून पांढऱ्या रंगाचे कार मध्ये दारू तस्करी होत असल्याची माहिती मिळाली. त्यानुसार ठाणेदार कुळकर्णी यांनी उपविभागीय पोलीस अधिकारी विजय लगारे यांच्या मार्गदर्शनाखाली जमादार वासू नारनवरे, प्रभाकर कांबळे, डीबी पथकाचे सुदर्शन वानोळे, शेख नफिस, सुधीर पांडे,सुनील खंडागळे, उल्हास कुरकुटे, दिलीप जाधव यांना सोबत घेऊन झोला फाट्याजवळ सापळा रचला.
माहितीनुसार वणीकडून पांढऱ्या रंगाची कार येतांना दिसताच पोलिसांनी एम एच 34 के 6406 या कार ला हात दाखवून थांबविले. सदर कारची झडती घेतली असता कारमध्ये आठ प्लास्टिकच्या बोरी मध्ये दोन हजार टँगो पंच दारूच्या ५२ हजार रुपये किमतीच्या बाटल्या आढळून आल्या. चालकांची अधिक तपासणी केली असता मनी अण्णामलाई शेट्टी ६२ रा घुटकाळा चंद्रपूर याला ५२ हजार रुपये किमतीची दारू व दोन लाख रुपये किमतीची कार असा एकूण दोन लाख ५२ हजार रुपयांचा मुद्देमाल हस्तगत केला.
निकेश जिलठे - संपादक वणी बहुगुणी
2007 पासूून पत्रकारिता क्षेत्रात कार्यरत. ग्रामीण व शहरी असा पत्रकारितेचा अनुभव. आजतक, झी, जय महाराष्ट्र, टीव्ही 9 इत्यादी आघाडीच्या टीव्ही मीडियात मुंबई येथे विविध पदावर 10 वर्ष कार्यरत. सध्या एका पीआर एजन्सीचे संचालक तसेच वणी बहुगुणी या वेबसाईटचे मुख्य संपादक. यवतमाळ जिल्ह्यातील पहिले न्यूज पोर्टल वणी बहुगुणी या स्थानिक न्यूज पोर्टलच्या माध्यमातून परिसरातील ज्येष्ठ व नव्या दमाच्या पत्रकारांसह वणी व परिसरातील बातम्या व ताज्या घडामोडी पोहोचवण्याचा एक प्रयत्न. सामाजिक, राजकीय, सांस्कृतिक विषयावर विविध माध्यमात लिखाण. राज्यातील अनेक ज्येष्ठ नेते व मंत्री यांचे मीडिया कन्सलटन्ट म्हणूनही कार्य.
