विश्वकर्मा गणेश मंडळ ठरत आहे रक्तदूत

पुरुषोत्तम नवघरे, वणी: सुतार पुरा येथील श्री विश्वकर्मा सार्वजनिक गणेशोत्सव मंडळ मागील ४ वर्षा पासून विविध सामाजिक उपक्रम राबविले आहे. त्याचाच एक भाग म्हणून मागील चार वर्षात ५ दा रक्तदान शिबिर आयोजित करून अनेक गरजू रुग्णांना मोफत रक्त देखील उपलब्ध करून दिले आहे. या वर्षी शनिवार १४ सप्टेंबर २०२४ रोजी सकाळी १० ते २ या वेळेत शिबिराचे आयोजन करण्यात आले होते. नागपूर येथील लाईफ लाईन ब्लड बँक यांच्या सहकार्याने आयोजित शिबिरात ४३ लोकांनी सहभाग घेतला. या शिबिराच्या यशस्वितेसाठी अभय गटलेवार, रूपक अंड्रस्कर, कल्पक अंड्रस्कर , दिनेश साखरकर, राजीव साखरकर , रितेश साखरकर, शुभम झिलपे, ऋतिक झिलपे, प्रसाद झिलपे, दीपक साखरकर, शंकर झीलपे , प्रशांत झिलपे, अनुज मुकेवार आदींनी परिश्रम घेतले.