विलास ताजने,(मेंढोली): कोळसा भरलेला भरधाव ट्रक कोलगाव जवळील वळणावर उलटल्याची घटना आज (दि.२७) शुक्रवारी सकाळी घडली. या घटनेत सुदैवाने कोणतीही जीवितहानी झाली नाही.
वणी तालुक्यातील मुंगोली कोळसा खाणीतून सकाळच्या वेळी ट्रक क्र. एम.एच. २९ ए टी ७६५ हा कोळसा घेऊन वणी कडे जात होता.कोलगाव (साखरा) जवळील वळणावर भरधाव ट्रक चालकाचे ट्रक वरील नियंत्रण सुटल्यामुळे अपघात घडला.
मुंगोली, विरुर, कोलगाव खाणीतून कोळसा वाहतूक करणारे ट्रक भरधाव वेगाने ये-जा करतात. काही चालक डिझेल वाचविण्यासाठी ट्रक न्यूट्रल करुन चालवितात. तसेच कोळसा भरण्याच्या हेतूने ट्रकचा नंबर लवकर लावण्याकरिता वाहने भरधाव वेगाने चालवितात. भरधाव वाहन चालकांवर कुणाचेही नियंत्रण राहिले नसल्याने अपघाताचे प्रमाण वाढत आहे.
निकेश जिलठे - संपादक वणी बहुगुणी
2007 पासूून पत्रकारिता क्षेत्रात कार्यरत. ग्रामीण व शहरी असा पत्रकारितेचा अनुभव. आजतक, झी, जय महाराष्ट्र, टीव्ही 9 इत्यादी आघाडीच्या टीव्ही मीडियात मुंबई येथे विविध पदावर 10 वर्ष कार्यरत. सध्या एका पीआर एजन्सीचे संचालक तसेच वणी बहुगुणी या वेबसाईटचे मुख्य संपादक. यवतमाळ जिल्ह्यातील पहिले न्यूज पोर्टल वणी बहुगुणी या स्थानिक न्यूज पोर्टलच्या माध्यमातून परिसरातील ज्येष्ठ व नव्या दमाच्या पत्रकारांसह वणी व परिसरातील बातम्या व ताज्या घडामोडी पोहोचवण्याचा एक प्रयत्न. सामाजिक, राजकीय, सांस्कृतिक विषयावर विविध माध्यमात लिखाण. राज्यातील अनेक ज्येष्ठ नेते व मंत्री यांचे मीडिया कन्सलटन्ट म्हणूनही कार्य.
