विवेक तोटेवार, वणी: मंगळवार 14 डिसेंबर रोजी रात्रीच्या सुमारास शिरपूर पोलिसांनी वारगाव परिसरातून रेती तस्करी करणारा एक ट्रॅक्टर पकडला होता. या कारवाईत 2 जणांना अटक करण्यात आली होती. बुधवारी त्या दोघांनाही न्यायालयात हजर केले असता त्यांना न्यायालयाने 14 दिवसांची न्यायालयीन कोठडी सुनावली आहे.
सविस्तर वृत्त असे की, मंगळवारी 14 डिसेंबर रात्रीच्या सुमारास शिरपूर पोलिसांना मिळाली की, वारगाव येथून काही जण रेतीची अवैध वाहतूक करीत आहे. माहितीवरून शिरपूर पोलिसांनी वारगाव येथे धाड टाकून एक ट्रॅक्टर क्रमांक MH 29 AD 8855 ज्यामध्ये 2 ब्रास रेती होती व चालक गोमाजी श्रीराम तावडे रा. वारगाव व मालक धनराज साळवे यांना अटक करीत ट्रॅक्टर जप्त केले.
यांच्याकडून एकूण 5 लाख 6 हजार रुपयांचा मुद्देमाल जप्त करण्यात आला. अटक करून दोघांनाही बुधवारी न्यायालयात हजर केले असता न्यायालयाने या दोघांनाही 14 दिवसांची न्यायालयीन कोठडी सुनावली. सदर कारवाई ठाणेदार गजानन करेवाड, पोऊनी राम कांडुरे, सुगत दिवेकर, प्रमोद जुजूनकर चालक अभिजित कोषटवार यांनी केली.
हे देखील वाचा:
Comments are closed.