बहुगुणी डेस्क, मारेगाव: मारेगाव येथे शनिवारी दिनांक 31 ऑगस्ट रोजी छोट्या व्यावसायिकांना छत्री वाटप करण्यात आले. खा. प्रतिभा धानोरकर व मा. आ. वामनराव कासावार यांच्या मार्गदर्शनात वसंत जिनिंगचे अध्यक्ष व काँग्रेसचे झरी तालुका अध्यक्ष आशिष खुलसंगे यांच्या पुढाकारातून हा उपक्रम राबवण्यात आला. शहरात ठिकठिकाणी उदरनिर्वाह करण्यासाठी छोटे व्यवसाय करतात. कधी पाऊस तर कधी उन्हाचा त्यांना सामना करावा लागतो. सध्या पावसाळ्याचे दिवस असल्याने भाजी, फळ, कपडा विक्रेते यासह फूटपाथवर बसून उदरनिर्वाह करणा-या विक्रेत्यांना छत्री वाटप करण्यात आली. यामुळे या छोट्या विक्रेत्यांना मोठा आधार मिळाला आहे. विक्रेत्यांनी आशिष खुलसंगे यांचे आभार मानले. यावेळी मारेगाव काँग्रेस तालुकाध्यक्ष मारोती गौरकार, कृ.उ.बा.समितीचे सभापती गौरीशंकर खुराणा, वसंत जिनिंगचे संचालक रवी धानोरकर, जयनारायण बदकी, अंकुश माफूर, नगरसेवक आकाश बदकी, माजी नगरसेवक उदय रायपुरे, प्रमोद लोणारे तसेच काँग्रेस पक्षाचे सर्व पदाधिकारी व कार्यकर्ते उपस्थित होते.
Comments are closed.