दुचाकीला समोरून धडक, एक जखमी

बहुगुणी डेस्क, वणी: एका दुचाकीने दुस-या दुचाकीला समोरासमोर धडक दिली. यात एक दुचाकीस्वार जखमी झाला. तालुक्यातील मोहुर्ली येथे ही घटना घडली. आनंद नागो कुमरे (63) असे जखमीचे नाव आहे. आनंद हे मोहुर्लीतील रहिवासी असून ते वणीतील एका गोदामात काम करतात. ते रोज मोहुर्लीहून वणीला त्यांच्या होन्डा शाईन (MH-29 B.S.7180) या दुचाकीने येतात. मंगळवारी दिनांक 22 ऑक्टोबर रोजी काम आटोपल्या नंतर आनंद हे गावकडे निघाले. रात्री 8 वाजताच्या सुमारास ते गावातील सरस्वती शाळेजवळ पोहचले. दरम्यान गावातील करण डाहुले (22) याने दुचाकीने आनंद यांच्या दुचाकीला समोरासमोर धडक दिली. या अपघातात आनंद यांच्या पायाला दुखापत झाली. गावातील काही लोकांनी आनंद यांना ऑटोत बसवून वणीतील ग्रामीण रुग्णालयात उपचारासाठी दाखल केले. प्राथमिक उपचारानंतर त्यांना शहरातील एका खासगी रुग्णालयात रेफर करण्यात आले. या प्रकरणी आनंद यांचा मुलगा गणेश यांच्या तक्रारीवरून आरोपी करण डाहुले विरोधात बीएनएसच्या कलम 125(a) व 281 नुसार गुन्हा दाखल करण्यात आला आहे. पुढील तपास वणी पोलीस करीत आहे.

बुकिंगसाठी बॅनरवर क्लिक करा...