बहुगुणी डेस्क, वणी: साप दिसणं तर सोडाच; पण नाव निघालं तरी अंगावर काटा येतो. त्यात जर तो घरात किंवा परिसरात दिसला तर तारांबळच उठते. अशावेळी अनेकजण त्याला मारतात. मात्र त्याला न मारता आपण एमएच २९ , हेल्पिंग हँडस्यचे सर्पमित्र रमेश भादिकर यांना कॉल करा. त्यांनी नुकतीच एक मोठी कामगिरी केली. तरोडा, सुंदरनगर राममंदिर परिसरात साप निघाला. तिथल्या दक्ष नागरिकांनी सर्वात आधी रमेश भादिकर यांना कळवलं.
क्षणाचाही विलंब न करता भादिकर पोहचले. सर्वात आधी त्यांनी नागरिकांना धीर दिला. मग सापाचं निरीक्षण केलं. तो भारतातील मुख्य चार विषारी सापांपैकी एक असलेला ‘फुरसे’ हा विषारी साप असल्याचे दिसले. त्याला योग्यरीत्या पकडून तेथील जनतेला माहिती दिली.
बुकिंगसाठी बॅनरवर क्लिक करा...
फुरसे हा भारतात सापडणाऱ्या व्हायपर कुळातील सर्वात लहान व विषारी साप आहे. त्याचे आवडते खाद्य विंचू आहे. बऱ्याचदा विंचू खाताना फुरसे या सापाला विंचवाच्या दंशाचा सामना करावा लागतो. पण विंचवाचे विष पचवण्याची शक्ती त्याच्या शरीरात असते.
विंचवाची संख्या कमी होत असल्यामुळे फुरसे या सापाची संख्या घटत आहे. कोकणात विंचवांची संख्या जास्त असल्याने तेथे फुरसे हा साप जास्त प्रमाणात आढळतो. इंग्रजी मध्ये त्याला SAW म्हणजे करवत म्हणतात. या सापाचे खवले करवतीसारखे असल्याने या सापाला Saw Scaled असेही म्हणतात. या सापाची वणी येथील वनविभागामध्ये नोंद करुन वनपरीक्षेत्र अधिकारी यांना दाखवले.
त्यांच्या मार्गदर्शनात नैसर्गिक परिसरात सापाला सोडण्यात आले. यावेळी उपस्थित एमएच २९ हेल्पींग हंड्सचे वन्यजीव रक्षक रमेश भादीकर व राजु भोगेकर, अनिकेत कुमरे, नितीन माणुसमारे, समीर गुरनुले, संतोष गुमुलवार, दिवेंद्र भोगेकर, अमोल, रोहित, दीपक, कुणाल, आशीष, दिनेश हे उपस्थित होते. एमएच २९ हेल्पींग हंड्सच्या या कामगिरीचे सर्वत्र कौतुक होत आहे.
Comments are closed.