विवेक तोटेवार, वणी: घरच्या टाक्यातून मोटरद्वारे पाणी काढत असतांना अचानक करंट लागल्याने एकाचा इसमाचा मृत्यू झाला. आज मंगळवारी दिनांक 11 जुलै रोजी दुपारी 3 वाजताच्या सुमारास वरद अपार्टमेंटमध्ये ही घटना घडली. डंम्बर साउद असे मृत व्यक्तीचे नाव आहे. मृतक डंम्बर साउद हे मूळचे नेपाळ येथील रहिवासी होते. ते गुरखा म्हणून काम करून उदरनिर्वाह करायचे. ते आज दुपारच्या सुमारास दुपारी घरातील टाक्यातील पाणी मोटरद्वारे काढत होते. दरम्यान पाऊस सुरू असल्याने मोटरमध्ये करंट आला. करंट बसताच ते खाली कोसळले. त्यांच्या पत्नी व शेजाऱ्यांनी त्यांना वणीच्या ग्रामीण रुग्णालयात उपचारासाठी दाखल केले. त्यानंतर ही महिती त्यांचा भाचा चक्र धनराज साउद (40) याला मिळाली. चक्र यांनी जाऊन बघितले असता डॉ त्यांना मृत घोषित केले होते. चक्र यांच्या तक्रारीवरून मृत्यूची नोंद पोलीस ठाण्यात करण्यात आली.
Comments are closed.