बहुगुणी डेस्क, वणी: धुमे नगर, वणी येथील रहिवासी व वेकोली कर्मचारी गणेश पुंजारामजी चौधरी (वय ५८ वर्षे) यांचे आज पहाटे सुमारास हृदयविकाराच्या तीव्र झटक्याने अकस्मात निधन झाले. या दुर्दैवी घटनेने वणी शहर आणि परिसरात शोककळा पसरली आहे. स्व. गणेश चौधरी हे केवळ एक मेहनती कर्मचारी नव्हते, तर वणी शहरातील सामाजिक आणि धार्मिक कार्यात नेहमीच पुढाकार घेणारे, सर्वांशी सौजन्याने वागणारे स्मितभाषी आणि सेवाभावी व्यक्तिमत्त्व म्हणून ओळखले जात होते. त्यांच्या हसतमुख स्वभावाने आणि सद्भावनेने अनेकांच्या मनात घर केले होते. त्यांच्या अकस्मात निधनाने वणीने एक कार्यतत्पर आणि हृदयस्पर्शी व्यक्ती गमावली आहे. आज दु. 3 वाजता धुमे नगर, वणी येथील राहत्या घरून अंत्ययात्रा निघणार आहेत. गणेश यांच्या पश्चात पत्नी, दोन मुली आणि मोठा आप्तस्वकीय परिवार आहे.
Comments are closed.