विवेक तोटेवार, वणी: शहरात आलेल्या एका अल्पवयीन मुलीचा एका तरुणाने विनयभंग केला. 15 डिसेंबर गुरुवारी रोजी दुपारी 2 वाजताच्या सुमारास ही घटना घडली. पीडितेच्या तक्रारीवरून वणी पोलिसात विविध कलमानुसार गुन्हा दाखल केला आहे. पीडिता ही काही दिवसांसाठी आपल्या आजी व मामाकडे राहण्यास आली. तेव्हापासूनच आरोपीची वाईट नजर तिच्यावर होती. आरोपी शेखर वाईकर (20) हा तिचा नेहमीच पाठलाग करीत होता तसेच बोलण्याचा प्रयत्न करीत होता. परंतु पीडितेने त्याला प्रतिसाद दिला नाही. शेवटी 15 डिसेंबर रोजी शेखर हा तिच्या मामाच्या घरी येऊन मी हिचे लग्न कुणाशीही होऊ देणार नाही हिच्यासोबत मीच लग्न करणार असल्याची धमकी दिली. घाबरलेल्या अवस्थेत पीडितेने आपल्या मामासह वणी पोलीस ठाण्यात आरोपीविरुद्ध तक्रार दिली. तिच्या तक्रारीवरून वणी पोलीस स्टेशनमध्ये भादंविच्या कलम 354 (ड), 506 व सहकलम 12 पोक्सो नुसार गुन्हा दाखल केला आहे. घटनेचा तपास वणी पोलीस करीत आहे.
बुकिंगसाठी बॅनरवर क्लिक करा...
Comments are closed.