आज संध्याकाळी जैताई मंदिराच्या प्रांगणात रंगणार संगीत मैफल

बहुगुणी डेस्क, वणी: दिवाळी निमित्त जैताई मंदिराच्या प्रांगणात शनिवारी संध्याकाळी स्वर दीपोत्सव या संगीतमय मैफलीचे आयोजन करण्यात आले आहे. संध्याकाळी ठिक 7 वाजता हा कार्यक्रम सुरू होणार आहे. स्थानिक कलावंत यात मराठी भावगीत, भक्तीगीत, लोकगीत, सुगम संगीत सादर करणार आहेत. मृदूल कुचनकर, राधा कुचनकर, अंकिता भोयर, सोनम सुरपाम, भागेश्री पोटदुखे, त्रंबक जाधव हे गायक कलावंत असून ढोलकची साथ अक्षय करसे, किबोर्ड निखिल जिरकुंटवार, ऑक्टोपॅड अमोल दुधलकर तर मायनरची साथ अतुल डफ करणार आहे. अभय पारखी यांचे बहारदार निवेदन या कार्यक्रमाला राहणार आहे. संगीत संयोजन अभिलाष राजूरकर यांचे आहे. या कार्यक्रमाचे आयोजन स्वरसाज एन्टरटेन्मेंट गृप वणी व एसएम कलेक्शन वणी द्वारा करण्यात आले आहे. कार्यक्रमास मोठ्या संख्येने व सहकुटुंब हजेरी लावावी असे आवाहन आयोजकांतर्फे करण्यात आले आहे.