शिवसेना (ठाकरे गट) प्रणीत वाहतूक सेनेच्या जिल्हाध्यक्षपदी प्रशांत चंदनखेडे

पुरुषोत्तम नवघरे, वणी: शिवसेना (उद्धव बाळासाहेब ठाकरे) प्रणीत शिवशक्ती वाहतूक सेनेच्या यवतमाळ जिल्हाध्यक्ष पदी प्रशांत चंदनखेडे यांची नियुक्ती करण्यात आली आहे. शिवशक्ती वाहतूक सेनेचे राष्ट्रीय अध्यक्ष अली भाई यांच्या आदेशानुसार त्यांना हि नियुक्ती देण्यात आली. याआधी प्रशांत चंदनखेडे यांनी वाहतूक सेनेचे तालुका अध्यक्षपद भूषवले आहे. त्यांचे कार्य, जनसंपर्क, विषयाची जाण इत्यादींमुळे त्यांना जिल्हाध्यक्षपदाची जबाबदारी देण्यात आली. वाहतूक क्षेत्रातील मोठा अनूभव प्रशांत चंदनखेडे यांच्या पाठिशी आहे. वाहतूकदारांवर होणारे अन्याय व त्यांच्या समस्या सोडवून त्यांना न्याय मिळवून देण्याचा सर्वोतपरी प्रयत्न करणार अशी ग्वाही त्यांनी दिली. एका धडाडीच्या व चळवळीतील कार्यकर्त्याची निवड झाल्याबद्दल परिसरात समाधान व्यक्त केले जात आहे.

बुकिंगसाठी बॅनरवर क्लिक करा...