आज मनसेचे राजू उंबरकर दाखल करणार नामांकन

बहुगुणी डेस्क, वणी: मनसेचा धाण्या वाघ राजू मधूकरराव उंबरकर हे शुक्रवारी दिनांक 25 ऑक्टोबर रोजी नामांकन अर्ज दाखल करणार आहेत. नामांकन अर्ज दाखल करण्यापूर्वी ते मोठं शक्ती प्रदर्शन करणार आहे. सकाळी पाण्याच्या टाकीजवळ मनसेचे सर्व कार्यकर्ते व समर्थक गोळा होणार आहेत. त्यानंतर छत्रपती शिवाजी महाराज यांच्या पुतळ्याला अभिवादन केले जाणार आहे. अभिवादनानंतर तहसील कार्यालयात राजू उंबरकर हे नामांकन दाखल करण्यासाठी जाणार आहेत. नामांकन दाखल करण्याआधी राजू उंबरकर यांचे कार्यकर्ते व समर्थकांसह शक्तीप्रदर्शन होणार आहे. या कार्यक्रमाला विधानसभा क्षेत्रातील वणी, मारेगाव व झरी जामणी तालुक्यातील समर्थक व कार्यकर्त्यांनी हजारोच्या संख्येने उपस्थित राहावे, असे आवाहन मनसेद्वारे करण्यात आले आहे.