नगरपालिका निवडणुकीसाठी वंचितची महाविकास आघाडीला खुली ऑफर

बहुगुणी डेस्क, वणी: आगामी स्थानिक स्वराज्य संस्थांच्या निवडणुकीत वंचित बहुजन आघाडी (VBA) पूर्ण ताकदीनिशी उतरणार असून, विशेषतः वणी नगरपालिकेच्या निवडणुकीत जोरदार मुसंडी मारणार असल्याची भूमिका वंचितच्या वतीने पत्रकार परिषदेत मांडण्यात आली. नगराध्यक्षपदापासून ते शहरातील सर्व प्रभागांमध्ये सक्षम उमेदवार उभे करण्यात येणार असल्याचे जाहीर करण्यात आले. तसेच, महाविकास आघाडीला (MVA) युतीसाठी खुली ऑफर देण्यात आली आहे. आता मविआकडून याबाबत काय निर्णय घेतला जाईल, याकडे सर्वांचे लक्ष लागले आहे.

वंचित बहुजन आघाडीचे वणी विधानसभा प्रमुख राजू निमसटकर यांनी पत्रकार परिषदेत सांगितले, “भाजपा आणि त्यांच्या मित्रपक्षांना सत्तेपासून रोखण्यासाठी स्थानिक स्वराज्य संस्थांच्या निवडणुका – नगरपालिका, जिल्हा परिषद आणि पंचायत समिती – आम्ही पूर्ण ताकदीनिशी लढू. मात्र, आतापर्यंत काँग्रेस किंवा इतर कोणत्याही पक्षाशी अधिकृत चर्चा झालेली नाही.” युतीच्या संदर्भात ते पुढे म्हणाले, “सन्मानजनक जागा वाटप झाल्यास महाविकास आघाडी, मित्रपक्ष आणि सामाजिक संघटनांसोबत चर्चेची दारे खुली आहेत.”

वणीत वंचितचा झेंडा फडकवणार
स्थानिक पातळीवर ताकद दाखवण्याचा निर्धार व्यक्त करताना नेत्यांनी सांगितले, “यावेळी वणी नगरपालिका, जिल्हा परिषद आणि पंचायत समितीमध्ये वंचितचा झेंडा फडकवूच!” वणी नगरपालिकेच्या निवडणुकीत नगराध्यक्षपदापासून ते सर्व प्रभागांमध्ये ताकदीने उमेदवार उभे करण्यात येणार आहेत. जिल्हा परिषद व पंचायत समितीच्या निवडणुकांबाबतही समविचारी पक्षांसोबत समझोता झाल्यासच युती होईल, असे स्पष्ट करण्यात आले.

बुकिंगसाठी बॅनरवर क्लिक करा...

पत्रकार परिषदेला वंचितचे वणी विधानसभा प्रमुख राजू निमसटकर, जिल्हा महासचिव मिलिंद पाटील, मंगल तेलंग, वैशाली गायकवाड, डॉ. प्रशिक बरडे, आशिष पाझारे, ऍड. चंदू भगत, ज्ञानेश्वर मुन, अर्चनाताई नगराळे, किशोर मुन, डॉ. आनंद वेले, मिलिंद नगराळे, नंदिनी ठमके, प्रणिता ठमके, निळावती मुन, सुवर्णा नंराजे, मीना दिघाडे, अंकित पाझारे, बंटी तामगाडगे, ऍड. तामेश्वर लोणारे, राहुल नगराळे, गोविंदा दुर्गे, शंकर रामटेके, भारत कुमरे, सतीश गेडाम, आकाश दुपारे, अमोल दुपारे यांच्यासह पदाधिकारी व कार्यकर्ते मोठ्या संख्येने उपस्थित हो