दिव्यांग बांधवांसाठी पालिकेकडून 27.48 लाखांचा निधी वितरीत

बहुगुणी डेस्क, वणी: वणी नगर परिषदेच्या वतीने दिव्यांग बांधवांसाठी राखीव असलेल्या 5% निधीचे वितरण करण्यात आले असून यासाठी ₹27,48,600 इतका निधी मंजूर करण्यात आला आहे. या संदर्भात 01/04/2026 रोजी नगर परिषद कार्यालयात बैठक पार पडली. या बैठकीस नगराध्यक्ष विद्या खेमराज आत्राम, उपाध्यक्ष राकेश बुग्गेवार, मुख्याधिकारी सचिन गाडे, उपमुख्याधिकारी जयंत सानटक्के तसेच धम्मा पाटील यांची प्रमुख उपस्थिती होती. याशिवाय दिव्यांग कार्यकारिणीचे अध्यक्ष गणेश आवारी, उपाध्यक्ष भूषण आदे, सचिव विद्या पानघाटे, कोषाध्यक्ष प्रतिभा लांजेवार यांच्यासह विनोद गौरकर, किशोर लांजेवार, निखत कौसर, गणेश बंड, अशोक दुरुतकर, छाया मांढरे, मेघा देशपांडे, युसुफ शेख, रविंद्र पोटदुखे, आशा उरकुडे आणि अनेक दिव्यांग बांधव मोठ्या संख्येने उपस्थित होते. नगर परिषदेकडून दिव्यांग बांधवांच्या सर्वांगीण विकासासाठी 5% निधीअंतर्गत हा धनादेश मंजूर करण्यात आला असून या निर्णयामुळे शहरातील दिव्यांग बांधवांमध्ये समाधान आणि आनंदाचे वातावरण निर्माण झाले आहे.