नियमित व माजी विद्याथ्र्यांच्या परीक्षा आवेदनपत्रे स्वीकारण्याच्या तारखेत वाढ

सुनील इंदुवामन ठाकरे, अमरावती: कोव्हिडच्या प्रादुर्भावामुळे शासनाच्या निर्देशाप्रमाणे कोणताही विद्यार्थी परीक्षेपासून वंचित राहू नये तसेच विद्याथ्र्यांचे शैक्षणिक हीत लक्षात घेता संत गाडगे बाबा अमरावती विद्यापीठातर्फे उन्हाळी 2020 च्या सत्रपद्धती व वार्षिक पद्धती अभ्यासक्रमांच्या नियमित महाविद्यालयीन विद्यार्थ्यांचे तसेच माजी विद्यार्थ्यांचे परीक्षा आवेदनपत्रे स्वीकारण्याच्या तारखेत वाढ करण्यात आली आहे.

बुकिंगसाठी बॅनरवर क्लिक करा...

ज्या विद्यार्थ्यांनी उन्हाळी 2020 परीक्षेसाठी अद्यापपर्यंत परीक्षा आवेदनपत्रे भरली नाहीत, अशा विद्यार्थ्यांनी दिनांक 7 ते 12 सप्टेंबर, 2020 पर्यंत आपले परीक्षा आवेदनपत्रे हार्ड कॉपीमध्ये संबंधित महाविद्यालयामध्ये मूळ परीक्षा शुल्कासह (विलंब शुल्क न आकारता) जमा करावेत. विद्यार्थ्यांचे परीक्षा आवेदनपत्रे पोस्टाने किंवा व्यक्तीश: विद्यापीठात स्वीकारले जाणार नाहीत.

सविस्तर माहिती विद्यापीठाच्या www.sgbau.ac.in या संकेतस्थळावर प्रसिद्ध करण्यात आली. त्याबाबत विद्यापीठाने सर्व संलग्नित महाविद्यालयांचे प्राचार्य व पदव्युत्तर शैक्षणिक विभागाचे विभागप्रमुख यांना पत्राद्वारे कळविले आहे. तरी सर्व संबंधित विद्यार्थी, पालक व महाविद्यालयांनी याची नोंद घ्यावी, असे विद्यापीठाच्यावतीने परीक्षा व मूल्यमापन मंडळाचे संचालक डॉ. हेमंत देशमुख यांनी कळविले आहे.