जितेंद्र कोठारी, वणी : खाजगी विद्युत कंत्राटदारांनी कामासाठी आणून ठेवलेले ऍल्युमिनियम तारेचे 2 बंडल अज्ञात चोरट्याने लंपास केले. फिर्यादी धनंजय किसन गोवारदीपे रा. आनंदनगर वणी यांनी सोमवार 8 ऑग. रोजी दिलेल्या तक्रारीनुसार खाजगी इलेक्ट्रिक कामासाठी त्यांनी ऍल्युमिनियम तारेचे 5 बंडल आणले होते. त्यापैकी 3 बंडल वापरात आणले व उर्वरित 2 बंडल त्यांनी घरासमोर खुल्या जागेवर ठेवले होते. दि. 1 ऑगस्टच्या मध्यरात्री सुमारास अज्ञात चोरट्याने 50 मिमी जाडीचे अंदाजे 233 किग्रा वजनी व 30 हजार किमतीचे ऍल्युमिनियम तारेचे दोन्ही बंडल लंपास केले. तक्रारीवरून वणी पोलिसांनी अज्ञात आरोपीविरुद्ध कलम 379 अनव्ये गुन्हा दाखल केला आहे.
बुकिंगसाठी बॅनरवर क्लिक करा...
Comments are closed.