बहुगुणी डेस्क, झरी: ग्राम रोजगार सेवकांना शासकीय सेवेत समाविष्ठ करावे, त्यांची शासकीय मानधनावर नियुक्ती करावी इत्यादी मागणीसाठी झरी तालुक्यातील ग्राम रोजगार सेवकांनी आज एक दिवशीय उपोषण केले. सकाळी 11 वाजता झरीतील तहसील कार्यालयासमोर हे आंदोलन करण्यात आले. यावेळी घोषणाबाजी करत रोजगार सेवकांनी आपल्या मागण्या लावून धरल्या.
सन 2005 पासुन महात्मा गांधी ग्रामीण रोजगार हमी योजना राज्यात अमलात आणली गेली. या योजनेचे काम हाताळण्यासाठी प्रत्येक ग्राम पंचायत स्तरावर ग्राम सभेच्या माध्यमातून ग्राम रोजगार सेवकाची नियुक्ती करण्यात आली. ही कामे ग्राम रोजगार सेवक तत्परतेने हाताळत आहे. मात्र या कामाच्या मोबदल्यात या रोजगार सेवकांना अत्यल्प मानधन दिले जात आहे.
ही वेतन प्रणाली बंद करून ग्राम रोजगार सेवकांची शासकीय मानधनावर नियुक्ती करावी, रोजगार सेवकांना शासकीय सेवेत समाविष्ठ करावे, प्रवास भत्ता द्यावा इत्यादी मागणीसाठी आज गांधी जयंतीच्या दिवशी राज्यभरातील रोजगार सेवकांनी एक दिवशीय उपोषणाचे राज्यव्यापी आंदोलन सुरु केले. झरी तालुक्यात देखील हे आंदोलन करण्यात आले. या उपोषणात तालुक्यातील सर्व रोजगार सेवकांनी भाग घेतला. यावेळी तहसीलदार झरी यांना विविध मागण्यांचे निवेदन सादर करण्यात आले.
हे देखील वाचा:
बुकिंगसाठी बॅनरवर क्लिक करा...
Comments are closed.