बहुगुणी डेस्क, वणी: शिरपूर पोलीस ठाण्याच्या हद्दीत येणा-या मोहदा येथील एका ट्रॅक्टर चालकाने गळफास घेऊन आत्महत्या केली. शुक्रवारी रात्री 9 वाजताच्या सुमारास ही घटना उघडकीस आली. आदुराम सुंदरलाल किलो (अंदाजे 42) असे मृतकाचे नाव आहे. तो परप्रांतिय होता. मोहदा येथे राहायता. तो आधी खडकी गणेशपूर येथे ट्रॅक्टर चालक म्हणून काम करायचा. तर काही दिवसांपासून तो मजुरी करीत होता. शुक्रवारी दिनांक 15 मार्च रोजी तो कामाला गेला होता. रात्री तो घरी आला मात्र त्याने ओढणीच्या साहाय्याने गळफास घेऊन आपली जीवनयात्र संपवली. काही वेळाने शेजा-यांच्या लक्षात ही बाब आली. त्यांनी शिरपूर पोलिसांना याची माहिती देण्यात आली. पोलीस घटनास्थळी पोहोचले व त्यांनी घटनेचा पंचनामा केला. आदुराम यांच्या पश्चात पत्नी, मुलगा, मुलगी असा आप्त परिवार आहे. आदुराम यांनी आत्महत्या का केली याचे कारण अद्याप स्पष्ट झाले नाही. शुक्रवारी सकाळी वणीत एका टेलरिंग व्यवसाय करणा-याने गळफास घेऊन आत्महत्या केली त्यानंतर रात्री ही घटना उघडकीस आली. एकाच दिवशी दोन आत्महत्येच्या घटना घडल्याने आणि सततच्या आत्महत्येने तालुका हादरला आहे.
बुकिंगसाठी बॅनरवर क्लिक करा...
Comments are closed.