विवेक तोटेवार, वणी: चौकात उभ्या असलेल्या दोन मित्रांना चौघांनी बेदम मारहाण केली तर एकाने फायटरने मारून जखमी केले. शुक्रवारी सायंकाळी 7 वाजताच्या सुमारास राजूर कॉलरी येथे ही घटना घडली. जखमींच्या तक्रारीवरून वणी पोलिसात विविध कलमानुसार गुन्हा दाखल करण्यात आला आहे.
तक्रारीनुसार आदित्य रामआशीष यादव (18) रा. राजूर कॉलरी येथील रहिवासी आहे. त्याचा काही दिवसांपूर्वी राजूर येथील साहिल सिद्धीकी, आदित्य जितेंद्र धोटे, सोहेल सिद्धीकी, अहेमद रजा यांच्यासोबत क्षुल्लक कारणावरून वाद झाला होता. शुक्रवारी 15 मार्च रोजी आदित्य व त्याचा मित्र नारायण येडुलवार हे दोघे राजूर येथील भगतसिंग चौकात उभे होते.
दरम्यान आरोपी सोहेल सिद्धीकी (21) हा आदित्यच्या अंगावर धावून आला. त्यानंतर सोहेलचे इतर मित्र हे सुद्धा पुढे येत त्यांनी आदित्य व नारायणला मारायला सुरुवात केली. दरम्यान आरोपी अहेमद राजा याने त्याच्या हातातील फायटरने आदित्यच्या डोक्यावर, पाठीवर व हातावर मारहाण केली. जीवे मारण्याची धमकी दिली.
जीवे मारण्याची धमकी दिल्याने आदित्या आणि नारायण यांनी वणी पोलीस ठाणे गाठत याबाबत तक्रार दाखल केली. तक्रारीवरून चारही आरोपीविरुद्ध भादंविच्या कलम 324, 504, 506, 34 नुसार गुन्हा दाखल करण्यात आला आहे. घटनेचा तपास वणी पोलीस करीत आहे.
हे देखील वाचा:
Comments are closed.