बहुगुणी डेस्क, वणी: सिंधी कॉलोनी येथील रहिवासी असलेल्या एका 30 वर्षीय तरुणाने बिल्डींगवरून उडी घेऊन आपली जीवनयात्रा संपवली. मंगळवारी दिनांक 5 ऑगस्ट रोजी रात्री 11 वाजताच्या सुमारास ही घटना घडली. हितेश जगदीश फेरवानी (30) असे मृत तरुणाचे नाव आहे. त्याने घराच्या तिस-या माळ्यावरून उडी घेतली होती. यात तो गंभीर जखमी झाला होता. त्याला वणीतील एका खासगी रुग्णालयात उपचारासाठी दाखल करण्यात आले होते. मात्र डॉक्टरांनी त्याला नागपूर येथे रेफर केले होते. गुरुवारी सकाळी उपचारादरम्यान त्याची प्राणज्योत मालवली. हितेशच्या पार्थिवावर संध्याकाळी वणी येथील मोक्षधाम येथे अंत्यसंस्कार करण्यात आले. मानसिक स्वास्थ ठिक नसल्याने हितेशने आत्महत्या केली असावी, असा प्राथमिक अंदाज बांधला जात आहे.
Comments are closed.