आत्महत्या: पोलवर चढून तरुणाचा विद्युत तारेला स्पर्श

भास्कर राऊत, मारेगाव: एका युवकाने विद्युत खांबावरती चढून तारांना स्पर्श करून आत्महत्या केली. सदर घटना तालुक्यातील बोटोणी येथे मंगळवारी रात्री 10 वाजताच्या सुमारास घडली. बळीराम मारोती घाटे वय वर्ष (22) असे आत्महत्या केलेल्या युवकाचे नाव आहे. दिनांक 2 ऑगस्ट रोजी रात्रीच्या सुमारास गावाजवळील मागच्या बाजूला असलेल्या विद्युत खांबावर बळीराम चढला. त्याने पोलवरील जिवंत तारांना स्पर्श करताच तो खाली कोसळला. गावक-यांनी बघितले असता बळीरामचा मृत्यू झाल्याचे लक्षात आले. समाजमन सुन्न करणाऱ्या या घटनेने परिसर हदरला असून आत्महत्येचे कारण मात्र अजूनही गुलदस्त्यात आहे. मृतकाच्या पश्चात आई, दोन भाऊ व बहीण असा बराच आप्त परिवार आहे. घटनेचा तपास मारेगाव पोलीस करीत आहे.

बुकिंगसाठी बॅनरवर क्लिक करा...