जितेंद्र कोठारी, वणी: सोळा वर्षीय कुमारिकेला एका अज्ञात इसमाने फूस लावून पळवून नेल्याची घटना शिरपूर पोलीस स्टेशन अंतर्गत येणा-या एका गावात घडली. शौचास जाण्याचे कारण सांगून मुलगी घरून निघाली होती. मात्र त्यानंतर ती घरी परतलीच नाही. अखेर मुलीच्या वडिलांनी पोलीस स्टेशन गाठत याबाबत तक्रार दाखल केली.
तक्रारीनुसार, पीडिता ही तिच्या आईवडिलांसह शिरपूर पोलीस स्टेशन अंतर्गत येणा-या एका गावात राहते. तिचे वडील मजुरी करतात. शुक्रवारी दिनांक 10 मार्च रोजी दुपारी 1 वाजताच्या सुमारास पीडिता ही घरून शौचास जाण्याचे कारण सांगून घराबाहेर पडली. मात्र बराच वेळ मुलगी न आल्याने तिच्या कुटुंबीयांनी गावात मुलीचा शोध घेण्यास सुरूवात केली. मात्र ती आढळून आली नाही.
त्यानंतर मुलीच्या पालकांनी विविध ठिकाणी नातेवाईकांकडे फोन लावून याबाबत विचारण केली. मात्र त्यांना मुलीचा शोध लागला नाही. दरम्यान त्यांना गावातील कुणी फूस लावून पळवून नेल्याचा संशय आला. त्यामुळे त्यांनी शिरपूर पोलीस स्टेशन गाठत याबाबत तक्रार दाखल केली. पोलिसांनी अज्ञात आरोपीविरोधात भादंविच्या कलम 363 नुसार गुन्हा दाखल केला आहे. मुलीचा शोध शिरपूर पोलीस घेत आहे.
शौचास जाण्याचे कारण सांगून अल्पवयीन मुली गायब
ग्रामीण भागात अनेक घरी शौचालय नसल्याने अनेक जण बाहेर शौचास जातात. शौचास जाण्याचे कारण देऊन घराबाहेर निघालेल्या मुली सध्या घरी परतत नसल्याच्या दोन दिवसांत दोन घटना समोर आल्या आहेत. शनिवारी मारेगाव तालुक्यातील एक मुलगी अशी शौचाचे कारण देऊन घरून पळून गेली होती. तर वणी तालुक्यातही अशीच घटना समोर आली आहे. त्यामुळे पालकांची चिंता वाढली आहे.
हे देखील वाचा:
Comments are closed.