ध्वनी प्रदूषण रोखण्यासाठी पोलीस ठाण्यात नगरसेवकांची बैठक
आगामी सणांच्या पार्श्वभूमीवर बैठक
वणी: आगामी गणपती उत्सव, पोळा, गोकुळाष्टमी, दुर्गोत्सव, आदी उत्सवात होणाऱ्या ध्वनी प्रदूषणावर आळा घालण्यासाठी वणी पोलीस स्टेशनचे ठाणेदार मुकुंद कुळकर्णी यांनी नगर पालिकेतील नगराध्यक्ष व नगरसेवकांची दक्षता भवनात बैठक आयोजित केली होती.
या बैठकीत शांतता व सुव्यवस्था अबाधित ठेवणे तसेच ध्वनी प्रदूषण मुक्त करण्यासाठी बैठकीत चर्चा झाली. यावेळी नगरसेवकांनी एकमताने ध्वनी प्रदूषण रोखण्यासाठी सहकार्य करण्याचे मान्य केले. यावेळी वाहतूक शाखेचे पोलीस निरीक्षक संग्राम ताठे उपस्थित होते
