तालुका प्रतिनिधी, वणी:मेंढोली येथील ग्राम विविध कार्यकारी सहकारी संस्थेची निवडणूक शनिवारला मेंढोली येथे पार पडली. यात ऍड.विनायक ऐकरे यांच्या नेतृत्वातील ग्रामविकास आघाडीचे 13 पैकी 13 उमेदवार विजयी झाले. तर डॉ. भाऊराव कावडे आणि सरपंच पवन ऐकरे यांच्या रामाजी बाबा शेतकरी गटाचा पराभव झाला. या गटाला एकही जागा जिंकता आली नाही.
वणी तालुक्यातील मेंढोली येथील ग्राम विविध कार्यकारी सहकारी संस्थेची सन 2022 ते 2027 या कालावधीसाठी निवडणूक शनिवारला पार पडली. 13 सदस्य असलेल्या संस्थेत ग्रामविकास आघाडीचे सर्व उमेदवार निवडून आले. सर्वसाधारण कर्जदार गटातून नत्थू विठूजी उलमाले, विनोद वासुदेव कुचनकर, रवींद्र पुंडलिक खाडे, ईश्वर जनार्दन वासेकर, विलास पांडुरंग पाचभाई, पुंडलिक नारायण पाचभाई, दीपक सुधाकर बलकी, माधव हरिश्चंद्र खाडे खाडे,
इतर मागास वर्गामधून प्रवीण रामदास ऐकरे, अनुसूचित जाती- जमाती गटातून महेश गोसाई येलादे तर महिला राखीव गटातून रजनी पंढरीनाथ ऐकरे, मालन भाऊराव गोरे यांचा बहुमतांनी विजय झाला. भटक्या जाती-जमाती गटातून देवराव विठू गोरे बिनविरोध निवडून आले.
निवडणूक निर्णय अधिकारी म्हणून आर. टी. शेंद्रे, केंद्राध्यक्ष डी. एस. मेश्राम, मतदान अधिकारी म्हणून एम. एस. भोयर यांनी काम पाहिले. ग्रामविकास आघाडीच्या विजयासाठी ऍड. विनायक ऐकरे, सुधाकर बलकी, पंढरी ऐकरे, सूर्यभान कुचनकर, प्रवीण ऐकरे आदींनी परिश्रम घेतले.
निकेश जिलठे - संपादक वणी बहुगुणी
2007 पासूून पत्रकारिता क्षेत्रात कार्यरत. ग्रामीण व शहरी असा पत्रकारितेचा अनुभव. आजतक, झी, जय महाराष्ट्र, टीव्ही 9 इत्यादी आघाडीच्या टीव्ही मीडियात मुंबई येथे विविध पदावर 10 वर्ष कार्यरत. सध्या एका पीआर एजन्सीचे संचालक तसेच वणी बहुगुणी या वेबसाईटचे मुख्य संपादक. यवतमाळ जिल्ह्यातील पहिले न्यूज पोर्टल वणी बहुगुणी या स्थानिक न्यूज पोर्टलच्या माध्यमातून परिसरातील ज्येष्ठ व नव्या दमाच्या पत्रकारांसह वणी व परिसरातील बातम्या व ताज्या घडामोडी पोहोचवण्याचा एक प्रयत्न. सामाजिक, राजकीय, सांस्कृतिक विषयावर विविध माध्यमात लिखाण. राज्यातील अनेक ज्येष्ठ नेते व मंत्री यांचे मीडिया कन्सलटन्ट म्हणूनही कार्य.
Comments are closed.