नागेश रायपुरे, मारेगाव: मारेगाव तालुक्यातील टाकळी (कुंभा) येथील सचिन श्रीधर आदेवार यांनी विहरीत उडी घेऊन आत्महत्या केली. आज सोमवारी ही घटना उघडकीस आली.
सचिन आदेवार (32) यांच्या वडिलांची 3 एकर शेती आहे. ही शेती सचिन करायचे. सोमवारी संध्याकाळी 6 वाजता सचिन बाजारातून घरी परत आले. त्यांनी घरी बाजार ठेवला व ते 7 वाजताच्या सुमारास शेतामध्ये गेले. त्यांच्या शेतामध्ये कपाशीचे पीक होते.
मात्र रात्र झाली तरी शेतामध्ये गेलेले सचिन घरी परत आले नाही. त्या नंतर त्याच्या भाऊ गजानन यांनी गावात माहिती दिली. रात्री 9 वाजताच्या सुमारास सचिन घरी न आल्या मुळे त्याचा आजूबाजूच्या शेतशिवारात तपास घेणे सुरू झाला. परंतु सचिन यांचा पत्ता लागला नाही.
सोमवारी सकाळी 5 च्या सुमारास पुन्हा तपास घेणे सुरू झाले असता गावातील लोकांनी सचिन यांच्या शेताच्या विहरीत गर टाकला असता तिथे सचिन यांचे शव आढळून आले.
सचिन यांच्यामागे पत्नी, सहा वर्षांचा मुलगा व चार वर्षांची मुलगी असा परिवार आहे. त्याने कोणत्या कारणामुळे आत्महत्या केली याचे कारण अद्यापही कळू शकले नाही. त्यांच्या आत्महत्येने परिसरात हळहळ व्यक्त होत आहे.
बुकिंगसाठी बॅनरवर क्लिक करा...
