ग्रामीण भागातील खेळाडूंना प्रोत्साहन मिळणे गरजेचे – संजय खाडे

बहुगुणी डेस्क, वणी: ग्रामीण भागातील खेळाडू हे शेतात काम करून उरलेला वेळ आपली छंद जोपासण्यासाठी करीत आहे, ही एक आनंदाची बाब आहे. अलिकडच्या काळात ग्रामीण भागातही मोठ्या प्रमाणात खेळांच्या स्पर्धा होण्याचे प्रमाण वाढले आहे. त्यामुळे ग्रामीण भागातील खेळाडूंची प्रतिभा समोर येण्यास मदत होत आहे. स्पर्धेमुळे खेळाडूंना प्रोत्साहन मिळते. त्यामुळे ग्रामीण भागात ठिकठिकाणी अशा स्पर्धा होणे गरजेचे आहे, असे मनोगत संजय खाडे यांनी व्यक्त केले. बोरगाव प्रिमियर लीगच्या बक्षिस वितरण सोहळ्यात अध्यक्षीय मनोगत व्यक्त करताना ते बोलत होते. रविवारी दिनांक 24 डिसेंबर रोजी बक्षिस वितरण सोहळा पार पडला. राष्ट्रसंत तुकडोजी महाराज क्रीडा मंडळ बोरगाव (मेंढोली) तर्फे या लीगचे आयोजन करण्यात आले होते.

रंगतदार सामन्यात बजरंग वॉरिअर्सची 11 स्टार संघावर मात
बुधवारी दिनांक 20 डिसेंबर रोजी बोरगाव प्रिमियर लीगचे थाटात उद्घाटन झाले. या स्पर्धेत 6 संघ सहभागी झाले होते. बोरगाव व परिसरातील 22 गावातील खेळाडू या संघात सहभागी झाले होते. अंतिम सामना हा बजरंग वॉरिअर्स व 11 स्टार संघात खेळला गेला. हा सामना शेवटच्या ओव्हरपर्यंत रंगला.

प्रथम फलंदाजी करत 11 स्टार संघाने 10 ओव्हरमध्ये 99 रन्स काढले. या सामन्यात आशिष बोबडे याने धडाकेबाज 64 रन्सची खेळी केली. 100 रन्सचे टारगेट बजरंग वॉरिअर्सने 9.3 ओव्हरमध्ये पूर्ण करीत 7 विकेट व 3 चेंडू राखून विजय मिळवला. बजरंग वॉरिअर्सतर्फे लोकेश पाचभाई याने 32 रन्स तर सूरज बोरसरे याने 23 रन्सची संयमी पण महत्त्वपूर्ण खेळी केली.

स्पर्धेतील विजेता संघाला 35 हजार रुपये रोख, तर उपविजेत्या संघाला 25 हजार रुपये रोख बक्षिस देण्यात आले. लीगमध्ये बेस्ट बॅस्टमन हा 11 स्टार संघाचा आशिष बोबडे ठरला. बेस्ट बॉलर हा छत्रपति वॉरिअर्सचा प्रीतम ढवस ठरला, बेस्ट फिल्डर तुकाराम वासेकर (माही योद्धा) तर मॅन ऑफ दी सिरिज 11 स्टार संघाचा डॉ. दीपंकर बिस्वास ठरला.

बक्षिस वितरण सोहळ्यात प्रमुख अतिथी म्हणून महेश सोमलकर, धनंजय खाडे, प्रतिक गेडाम, ईश्वर खाडे, पद्माकर देरकर, सुधाकर तुराणकर, प्रकाश आसुटकर, देविश काळे, आनंदराव बलकी, बंडू बलकी, श्रीकृष्ण महाकुलकर, दीपक ताजणे, शंकर महाकुलकर, रंगनाथ कोवे, देवराव कोल्हे, शत्रुघ्न मालेकर, विजय आसुटकर, विठ्ठल चिंचोलकर, नीलेश चिंचोलकर यांची उपस्थिती होती.

कार्यक्रमाचे बहारदार सूत्रसंचालन राहूल घुगुल यांनी केले. कार्यक्रमाच्या यशस्वीतेसाठी मंडळाचे शिवराम चिडे, उमेश शेंडे, गणेश बलकी, लखन गेडाम, गौरव महाकुकर यांच्यासह बोरगाव येथील खेळाडू व समस्त गावक-यांनी परिश्रम घेतले.

29 डिसेंबरला T-10 चॅम्पियन लीगचा उद्घाटन सोहळा, गौतमी पाटील प्रमुख आकर्षण

बुकिंगसाठी बॅनरवर क्लिक करा...