कोरोनाच्या पार्श्वभूमीवर नरसाळा येथे तपासणी शिबिर
स्वॅबसह झाल्यात विविध पातळ्यांवर तपासण्या
नागेश रायपुरे, मारेगाव: कोरोनाच्या पार्श्वभूमीवर तालुक्यातील नरसाळा येथे मारेगाव तालुका आरोग्य विभाग व कोरोना दक्षता समिती नरसाळा यांच्यावतीने तपासणी शिबिर झाले. कोवीड १९ अंतर्गत झालेल्या शिबीरात ग्राम पंचायत सभागृहात विलगीकरन कक्षात असलेल्या नागरिकांचे स्वॅब घेऊन तपासणी करण्यात आली. दरम्यान गरोदर मातांचीसुध्दा तपासणी करण्यात आली.
या शिबिरात बाहेर गावावरून आलेल्या व गृह विलगीकरन केलेल्या नागरिकांचे स्वॅब घेऊन आरोग्य तपासणी करण्यात आली. तपासणी केलेले सर्वच नागरिकांचे रिपोर्टस निगेटिव्ह आलेत. यावेळी तालुका आरोग्य अधिकारी डॉ. अर्चना देठे, वैद्यकीय अधिकारी, प्रा. आ.केंन्द्र वेगाव डॉ. सतीश कोडापे यांनी कोरोना विषयी मार्गदर्शन केले. शिबिरात बीपी, शुगरवाले व गरोदर मातांना तपासण्यात आले.
या शिबिराला डॉ. एस. जी. कोवे , तलाठी व्ही. एच. थिटे नरसाळा, ग्रामसेवक आर.डब्लू.जनबंधु नरसाळा, आरोग्य सेवक एस. एस. कोल्लुरी, कु. एस. एस. कनाके (ANM),कु. वाय. आर. सलामे (LSO), नेहा मेंगेवार (RBSK.PO), किरण शेंडे (GNM.CCC), सुधा कृष्णा मेश्राम(गट प्रवतर्क), आशासेविका जयश्री भुसारी, मीना राऊत, अंगणवाडीसेविका भारती खाडे, गोपाळ उईके आदी ग्रामपंचायत कर्मचारी उपस्थित होते.
