सुशील ओझा, झरी: मुकुटबन पोलीस स्टेशन अंतर्गत येत असलेल्या डोंगरगाव येथे एका लग्नात चांगलाच राडा झाला. यामुळे एका महिलेसह 7 जणांवर मारहाणीचे गुन्हे दाखल करण्यात आले आहे.
डोंगरगाव येथे गुरूवारी २६ एप्रिलला एका लग्न समारंभात नाचण्यावरून दोन गटात वाद झाला. वादाचे पर्यावसन हाणामारीत झाले. दोन्ही गटातील लोकांनी कुऱ्हाडीच्या दांड्याने व लाठीकाठीने एकमेकास मारहाण करून जखमी केले. यावरुन पहिल्या गटातील विकास बाबूजी मालवे (२५) याच्या तक्रारीवरून सुरेश विठोबा पवार, रामा विठोबा पवार, संजय रामा पवार, व बालाजी सुरेश पवार यांच्या विरुद्ध कलम ३२३, ३२४, ५०४, ५०६ अंतर्गत गुन्हा दाखल करण्यात.
तर सुरेश विठोबा पवार यांच्या तक्रावरून गजानन शेलारी मालवे, विनोद गजानन मालवे, किसन शेलारी मालवे, व कुसुम किसन मालवे यांच्या विरुद्धही वरील कलमा अंतर्गत गुन्हा दाखल करण्यात आला आहे. या घटनेचा पुढील तपास ठाणेदार गुलाब वाघ यांच्या मार्गदर्शनाखाली जमादार मारोती टोंगे व उमेश कुमरे करीत आहे.
