जब्बार चीनी, वणी: तालुक्यात कोरोनाची लाट ओसरली असून आता केवळ 7 ऍक्टिव्ह रुग्ण बाकी आहेत. मात्र अद्याप धोका टळला नसल्याचा इशारा आरोग्य विभागाने दिला असून लोकांनी कोरोनासंदर्भातील नियमांचे पालन करण्याचे आवाहन केले आहे. आज सोमवारी दिनांक 22 जून रोजी तालुक्यात कोरोनाचा 1 रुग्ण आढळला आहे. हा रुग्ण भीमनगर येथील आहे. आज एका कोरोनामुक्त रुग्णाला सुटी देण्यात आली.
आज यवतमाळहून 46 रिपोर्ट प्राप्त झाले. यात 1 पॉझिटिव्ह आला आहे. तर आज 41 संशयीतांची रॅपिड ऍन्टिजन टेस्ट घेण्यात आली. यात सर्व व्यक्ती निगेटिव्ह आलेत. आज आलेल्या रुग्णांवरून यवतमाळ येथे 24 संशयीतांचे स्वॅब तपासणीसाठी पाठवण्यात आले. अद्याप यवतमाळहून 31 संशयीतांचे रिपोर्ट येणे बाकी आहे.
सध्या तालुक्यात कोरोनाचे 7 ऍक्टिव्ह रुग्ण आहेत. यातील 2 रुग्ण कोविड केअर सेंटरला उपचार घेत आहेत. तर 2 रुग्ण होम आयसोलेट आहेत. 3 रुग्णांवर यवतमाळ व इतर ठिकाणी उपचार सुरू आहे.
तालुक्यात कोरोनाचे एकूण 5261 रुग्ण आढळून आलेत. यातील 5161 रुग्णांनी कोरोनावर मात केली आहे. तर आतापर्यंत 93 रुग्णांचा कोरोनामुळे मृत्यू झाला आहे. (यात बाहेरगावी उपचार सुरू असताना मृत झालेल्या रुग्णांचा समावेश नाही.)
हे देखील वाचलंत का?:
अत्यंत प्रतिकुल प्ररिस्थितीवर मात करीत मारेगावचे प्रतीक खैरे डॉक्टरेट
